وأضاف صبحي، خلال مداخلة هاتفية مع الإعلامي أسامة كمال، مقدم برامج “مساء دي إم سي” الذي يبث على شاشة “دي إم سي”، كنت أتمنى أن تعرض المسرحية في مارس 2011 ولكن أحداث 25 يناير وراء تأجيل عرضها.

وتابع ” صبحي”: ” تم اختيار اسم المسرحية من 2004 عن الموقف العربي والعقل العربي الأقل ذكاء وكنت مرعوب من بعض الأشرار يستخدموا الاسم إنها خيبة محددة، انبسطت إن الإعلاميين بيتكلموا كويس وفهموا إحنا بنتكلم علي أنهي خيبة”.

وأضاف: “محتاج ترجع الفصل إلى 30 طالبا مش 150.. ما نشاهده الآن مؤلم”. وقال صبحي خلال حواره مع الإعلامي طارق علام في برنامج “هو ده” علي قناة المحور الفضائية: “إن الفصل المدرسي يصل الآن إلى 165 طالب أو 145 طالب، شىء مزعج”،  وأوضح أنه لابد من وجود تنسيق بين كل من “الإعلام، والتعليم، والثقافة ، والفن ، وعلماء الدين لما لهم من أهمية في تأسيس مواطن يصلح الاعتماد عليه.

وقال صبحي: “أنت محتاج تبني 50 ألف فصل لتقليل الكثافة، وأن الزيادة السكانية التي تشهدها الدولة المصرية مشكلة كبيرة، قائلا :”هي نعمة لما يزادا الانتاج معها ولكنها نقمة مع الزيادة وأكل كل ماهو منتج”.

وعلق علي جهود وزير التربية والتعليم دكتور طارق شوقي :” أنا متابع كل جهود وزير التعليم لكن انا مش مقتنع انك هاتطبق أي شىء في فصل بيقف فيه المدرس مع 160 طالب”.

وأكمل: “أنا اسف اللي معاه فلوس ومقتدر بيخلف عيل او اتنين اللي مش لاقي ياكل  أنا آسف ومش متعلم بيخلف 10 و12 و13و14  عيل، ويرميهم في الشوارع،  اذن انت بتزيد في اللي لا قيمة له، وعدد قليل اللي بتقدر تصرف عليه”.