موسى: إحنا مابنعملش دعاية للسجون.. مش عايزين حد يتحبس يعني.. واللي شوفناه أن من أوليات حقوق الإنسان الأكل والصحة
المذيع: رأينا مزارع وخضروات وفاكهة ومصنع كراسي وعيادات صحية في كل التخصصات أسنان ومعامل وطب وقائي
قال المذيع أحمد موسى، إن السجون المصرية تضم مستشفيات علي أعلى مستوى، وأن هناك مصانع وعمل للسجناء وبعضهم يصل راتبه إلى 6 آلاف جنيه في الشهر. قائلا: “ماحدش بيعذب حد.. بيشتغلوا وبيقبضوا فلوس”.
وتابع موسى خلال برنامجه “علي مسئوليتي” المذاع علي قناة “صدى البلد”، قائلا: “أصل بيشتكوا، ومابتعالجوش المسجونين وتطلع عليك حملات عجيبة، كلام فارغ يعني، اللي بيتقدم في السجون المصرية “مش موجود في دول”، جميع التخصصات الطبية موجودة في مستشفيات السجون، أسنان، عيادات خارجية، تركيبات، معامل للتحليل علي أعلي مستوي، التهابات، تطعيم، طب وقائي وحدة مناظير بنشوفها بره بندفع فيها مش عارف أد أية دي الخدمة الصحية الموجودة في السجون المصرية”.
وقال موسى خلال تعليقه علي جولة الإعلاميين ونواب مجلس النواب في السجون المصرية أمس: “احنا مابنعملش دعاية للسجون مش عايزين حد يتحبس يعني، بس اللي شوفناه أن من أوليات حقوق الإنسان أوفر له حاجتين أكل وصحة”.
وتابع: “شوفنا في السجن المزارع والخضروات والفاكهة ومزرعة دواجن، ومصانع كراسي، والسجين بياخد فلوس علي اللي بيعمله يعني سجين دخل السجن بينتج فيه، مرتب بعض السجناء وصل الي 6 آلاف جنيه وواحد قالك ألفين وواحد قالك 700 حسب شغلته وقال اسرته بتيجي بيديها الفلوس بيصرف علي البيت، المزرعة بتنتج في اليوم 45 ألف بيضة، وقطاع السجون بينتج 150 ألف بيضة سنويا بيكفي احتياجاته، عندهم نعام وخرفان “مش إخوان يعني” لا خرفان، السنة دي باعوا عجول في العيد الكبير 10 مليون جنيه”.
