محمد الجارحي ينشر كشف حساب مستشفى “25 يناير” في 6 سنوات: جمعنا 16 مليونا ونحتاج 7 ملايين لإفتتاح المرحلة الأولى.. مشروع يستحق دعمكم

أد الدنيا رئيسية نرشح لكم

نشر الزميل الصحفي محمد الجارحي، أحد القائمين على مشروع مستشفى 25 يناير الخيري، ما وصفه بـ”كشف حساب” المستشفى والتبرعات التي تلقتها في 6 سنوات من بداية العمل عليها.

وقال الجارحي، على حسابه بـ”فيسبوك”، إن المستشفى جمعت حتى الآن حوالي 16 مليون و140 ألف جنيها، في الوقت الذي تحتاج فيه إلى حوالي 7 ملايين جنيهات لافتتاح المرحلة الأولى في يناير المقبل.

وإلى نص كشف الحساب:

بالأرقام والمستندات.. كشف حساب مستشفى ٢٥ يناير في 6 سنوات كاملة.. جمعنا كام؟ وصرفنا كام؟ ومعانا كام؟ ومحتاجين كام؟ وكل ما قد يدور في بالكم!

علشان من حق كل متبرع يعرف إحنا جمعنا فلوس قد إيه.. ومن حقه كمان يعرف إحنا صرفناها فين، كان لازم نقدم كشف حساب تفصيلي عن السنين اللي فاتت من عمر حلم مشروع 25 يناير، من أول يوم واحنا بننشر إيصالات التبرع، وبنعرفكم التطورات اللي بتحصل أول بأول لحد ما بقى المستشفى بالشكل اللي بتشوفوه في الصور والفيديوهات.

الجدول اللي قدامكم دا بيوضح باختصار إجمالي الفلوس اللي جمعناها خلال السنين اللي فاتت واللي صرفناه، وهأجاوب في البوست دا عن معظم الأسئلة اللي بتدور في دماغ أي حد ممكن يسألها ولو حد عنده أي سؤال يخص المشروع احنا تحت أمره.

س 1 : جمعتوا قد إيه ؟؟

ج : 16 مليونا و142 ألفا و883 جنيه

س 2 : صرفتوا كام ؟؟

ج : 14 مليونا و956 ألفا و392 جنيه

س 3 : معاكم كام ؟؟

ج : 1- رصيدنا حسب الميزانية الرسمية بنهاية 2017 بلغ مليونا و186 ألفا و491 جنيها

2- رصيدنا حتى تاريخه 13-7- 2018 بلغ مليونا و448 ألفا و506 جنيهات

3- قمنا بربط وديعة بنكية بعد رمضان مباشرة قيمتها 2.5 مليون جنيه

س 4: فين الميزانيات الخاصة بالكلام ده؟؟

– للإطلاع على الميزانيات الرسمية من 2011 لحد نهاية 2017 منشورة على موقعنا الالكترونيwww.25hospital.com ودي لينكات كل ميزانية على حده

1- ميزانية 2011

الرابط : http://25hospital.com/wp-content/uploads/2018/07/2011.pdf

2- ميزانية 2012

الرابط : http://25hospital.com/…/%D9%85%D9%8A%D8%B2%D8%A7%D9%86%D9%8…

3- ميزانية 2013

الرابط : http://25hospital.com/…/%D9%85%D9%8A%D8%B2%D8%A7%D9%86%D9%8…

4- ميزانية 2014

الرابط : http://25hospital.com/…/uploa…/2015/02/Balance-sheet2014.pdf

5- ميزانية 2015

الرابط : http://25hospital.com/wp-content/uploads/2016/04/all.pdf

6- ميزانية 2016

الرابط : http://25hospital.com/wp-cont…/…/2018/07/2016.compressed.pdf

7- ميزانية 2017

الجمعية : http://25hospital.com/wp-cont…/…/2018/07/2017.compressed.pdf

المؤسسة : http://25hospital.com/wp-content/uploads/2018/07/Scan.pdf

س 5: محتاجين كام ؟

– علشان افتتاح المرحلة الأولى في 25 يناير اللي جاي محتاجين حوالي 7 ملايين جنيه للتجهيزات الطبية واستكمال التشطيبات وبخاصة الأسانسير والمولد الكهربائي بالإضافة 3 ملايين لتشغيل المرحلة الأولى

– للانتهاء من تشغيل المستشفى بالكامل بعد افتتاح المرحلة الأولى محتاجين حوالي 10 ملايين جنيه بالإضافة إلى الأجهزة الطبية وتكلفتها متغيرة لاعتمادها على الاستيراد واخر دراسة جدوى عملناها تكلفتها 47 مليون جنيه.

س6: كام ميزانية التشغيل؟

– سعة المستشفى 45 سريرا وتكلفة تشغيل السرير الواحد سنويا حوالي مليون ونصف المليون جنيه.

س7: هتشغلوا المستشفى إزاي ؟؟

– التبرعات ( تم إنشاء إدارة لتنمية الموارد للتواصل مع الشركات والبنوك والأفراد )

– الكول سنتر ( يعمل يوميا من 10 صباحا إلى 10 مساء )

– الودائع ( من خلال بعض رجال الأعمال والمتبرعين )

– الوقف الخيري

س8 : إدارة المستشفى ؟؟

– ستتولى إدارة المستشفى إدارة طبية محترفة متخصصة في إدارة المستشفيات بعد تدريب كادر متميز من التمريض واستقدام موظفين مؤهلين للعمل بالأقسام المختلفة.

س9 : بتجيلكم تبرعات من بره أو بتاخدوا منح أو تمويل من الخارج؟؟

– جزء رئيسي وأساسي من سياستنا عدم الحصول على تبرعات أو تمويل من الخارج واعتمادنا على تبرعات المصريين والتبرعات الواردة لنا بنسبة 90 % منها تتراوح من 10 إلى 1000 جنيه فقط ونسبة الـ 10 % الأخرى تتراوح من 1000 حنيه حتى نصف مليون جنيه وهو أعلى رقم تم التبرع به للمستشفى منذ بداية الفكرة حتى تاريخه.

س10 : معاكم ترخيص جمع مال؟؟

– طبعا بناخد تصريح من وزارة التضامن الاجتماعي سنويا بترخيص جمع مال ويجدد وينص الترخيص على كل طريقة تبرع مثل الرسائل والبريد وفوري وفودافون كاش والفيزا وماستر كارد وكل حساب بنكي ( لدينا 19 حساب بنكي )

س11: طيب مين بيشرف عليكم؟؟

– احنا مؤسسة أهلية مشهرة مركزيا بالإدارة المركزية للجمعيات والمؤسسات الأهلية بوزارة التضامن برقم 796 لسنة 2017 والجهة المنوط بها التفتيش والمراجعة هي وزارة التضامن الاجتماعي والجهاز المركزي للمحاسبات، كنا بدأنا بجمعية شباب 25 يناير بقرية الشبراوين المشهرة برقم 2122 لسنة 2011 وفي شهر مايو 2018 اللي فات ألت الجمعية بالكامل ( الأصول والأموال ) إلى المؤسسة ومقرنا في ش جامعة الدول العربية بالمهندسين.

س 12 : المدة اللي قضيتوها دي مش طويلة؟؟ بقالكم كتير قوي بتلموا فلوس؟؟

– ممكن أرد على السؤال بسؤال؟؟ هل حضرتك تعرف ميزانية بناء مستشفى ممكن تكلف كام؟؟ أقل مستشفى ممكن تتكلف حوالي 100 مليون جنيه، دا غير التشغيل والصيانة، احنا قلنا لحضرتك جمعنا كام ومحتاجين كام.. احنا مشروع طبيعته مختلفة.. لا احنا الدولة ولا احنا رجال أعمال ولا احنا هيئة أو مؤسسة ولا احنا بناخد تمويل من حد.. احنا مجموعة شباب قرروا يحلموا وحولوا حلمهم لواقع موجود على الأرض.. الأرض اشتريناها مش تبرع ولا تخصيص من الدولة..واجهنا عقبات كتير واتغلبنا عليها الحمد لله فالطريق لم يكن مفروشا بالورود أما من شتمونا وتطاولوا على شخصي فقد سامحتهم جميعا.

آسف للإطالة ولو فيه أسئلة تحت أمركم

ختاما.. هذا مشروع يستحق دعمكم ومساندتكم.

Leave a Reply