العيال الصايعة اللي عمالة تنزل كلام انتوا مش زملكاوية.. الزمالك اهم مني وأهم منه.. الزمالك في معركة فوقوا
شن مرتضى منصور رئيس نادي الزمالك هجوما حادا على الكابت حازم إمام نجم الفريق السابق، وعضو اتحاد الكرة واللجنة الأوليمبية، بعد قراره بشطب عضويته من النادي، وقال منصور، خلال مداخلته الهاتفية مع قناة ” الحدث اليوم ” إن قانون نادي الزمالك يؤكد أن كل من أساء لنادي الزمالك أو أضر به يعاقب بالشطب، وبناءا عليه فإنه طبق علي حازم امام.
كان مرتضى منصور قد أعلن مساء الاثنين في مؤتمر صحفي شطب عضوية حازم إمام من نادي الزمالك، على خلفية توقيعه على قرار اللجنة الأوليمبية بإيقاف رئيس الزمالك لحين التحقيق معه.
وقال منصور موجها حديثه لحازم إمام :” العيال الصايعة اللي عمالة تنزلك كلام انتوا مش زملكاوية، الزمالك اهم مني وأهم منه، الزمالك في معركة فوقوا، العالم العربي واقف علي رجل واحدة، عشان حزومة عمل ايه لنادي الزمالك ؟”
وتابع مرتضي هجومه على حازم إمام قائلا: “خد فلوس وراح ايطاليا ومشي ورجع تاني، انت وصلت النادي لحالة سيئة، المدربين قعدوا 18 شهر مش بيقبضوا، كانوا بيأجروا ملاعب برة، انتوا وصلتوا النادي لحالة انهيار، ماكنش فيه 100 جنيه للنادي النهاردة فيه 200 مليون، وواصل مخاطبا حازم إمام” طلع الحتة السودة اللي جواك” مستدركا “يطلع يقول مامضيتش وانا اعتذرله قدام مصر كلها” .
وواصل مرتضى وصلة هجومه على الهواء” قعدتوا تجعجعوا مش عارفين ناخد بطولات عشان مرتضي روحت اتنازلت عشان الكيان “.
وعن تعليق حازم إمام على قرار فصله قال مرتضي خلال: ” بيقول عيلة امام اكبر من اي حد، لا عضوية النادي شرف أكبر منك، عيب انت بتتكلم عن نادي الزمالك”
ثم انتقل رئيس الزمالك من الهجوم على حازم إمام لمهاجمة المدافعين عنه “الولد السافل اللي بيدافع عنك اعمل مداخلة وأنا اضربك 100 جزمة، انما الجعجعة بتاعة العيال بالجزمة اللي في رجلي فاهمين ياعيال؟.”.
وكانت اللجنة الأوليمبية المصرية، قد قررت تجميد مرتضى منصور لحين خضوعه للتحقيق بلجنة الاستماع، مع نقل منافسات الألعاب الرياضية المختلفة خارج النادي وهو القرار الذي بناءا عليه طالب مرتضي بشطب حازم امام..
وقامت لجنة الانضباط بالاتحاد الإفريقي لكرة القدم “كاف” باتخاذ قرار يفيد بإيقاف مرتضى منصور لمدة عام ومنعه من ممارسة أي نشاط له علاقة بكرة القدم، وتغريمه 40 ألف دولار.
