توك شو.. الدمرداش يعرض فيديو لتلاميذ يهربون من مدرسة بالقفز من الطابق الثاني .. والمصور: دي أحسن مدرسة في المنطقة

توك شو رئيسية

وكيلة الوزارة: المشهد حدث أثناء مشاجرة.. وتم استبعاد مدير المدرسة ووكيل المدرسة والمشرف العام وجار التحقيق

عرض الاعلامي معتز الدمرداش مقطع فيديو يرصد عملية هروب تلاميذ من مدرسة ابتدائية في كفر الشيخ، حيث أظهر الفيديو تلميذ يجلس فوق سور أحد الفصول ويحاول القاء نفسه،  وقال الدمرداش خلال  تقديمه برنامج  ” اخر النهار “، المذاع عبر فضائية ” النهار “، :” واضح هروبهم من شباك الفصل الدراسي في مستوى مرتفع من الأرض من الدور الثاني، مش عارف هو عايز يهرب من المدرسة ولا بيهزر مع زمايله ولا ده رهان علي تلك الحركة مع صحابه “، وتساءل معتز :” أين هيبة المدرسة والمدرس ؟.

وقال مصور الفيديو أحمد مغاوري خلال مداخلة هاتفية:” الفيديو متصور في الثانية عشر ظهرا امبارح وانه أثناء المرور بالمدرسة لفت نظره اربع تلاميذ بهذا الشكل وده الدور الثالث، انا عديت أول مرة مارضيتش أصور رجعت تاني لقيتهم والناس بتزعق للعيال من برة المدرسة”.

وتابع المتصل :” كانوا 3 أطفال متعلقين كدة قبل الولد الأخير وهي مدرسة في محافظة كفر الشيخ بغرب المدينة والمفروض انها أحسن مدرسة في المنطقة ؟ أومال المدارس اللي سمعتها وحشة العيال هاتنط من فوق السطوح ؟، انا قلت أصوره وانزله علي الفيسبوك يمكن مسؤل يعرف فيه ايه ؟” الأهالي بتنادي علي عيالهم من تحت خش ياولا، الأطفال بيبدلوا مع بعض، في سقف تحت الشباك فاكر أنه هايطوله”.

وفي تعقيب من “د. بثينة كشك” وكيل وزارة التربية والتعليم في كفر الشيخ، قالت :”الاجراءات التي تم اتخاذها استبعاد مدير المدرسة ووكيل المدرسة والمشرف العام وجار التحقيق”.

وكشفت وكيل الوزارة خلال مداخلتها الهاتفية تفاصيل الموقف :” كان بداية العمل في مبني جديد ودخل فيه أثاث جديد دخل اتنين أمهات مع الولاد بيتخانقوا علي أماكن ولادهم في المبني الجديد وضربوا بعض داخل فناء المدرسة قبل الطابور ومدير المدرسة طلب الشرطة ودخلت الشرطة أخدتهم لعمل محضر، في الوقت ده حضرتك متخيل حصلت أحداث فوق والمشرف مش واقف، فيه أحداث مش هاقدر اقول عنها فيه شخص غريب قالوا تعالي هاخليك تتفرج ومسكه ووالدته شايفاه، احداث خارجة عن سيطرة المدرسة، وشبه مؤامرة  لأني الطفل اعترف وقال كان بيقول لواحدة صوري بسرعة”.

Leave a Reply