علق الإعلامي عمرو أديب علي فيديو تم تداوله علي مواقع التواصل الاجتماعي للفنان عمرو دياب والفنانة دينا الشربيني، قائلا :” هو الحب الرومانسي ده لسة موجود ؟ انك تفكر في حد بليل وتشتاق تشوفه ؟ بشكل عام، خلينا نواجه الحقيقة مرة، عايز أسأل سؤال وعايز اجابة غير نموذجية انا براعي ضميركم وبشهدكم ، انا عارف الحب بتاع اقعدي ياحبيبتي جمبي، اجيبلك شراب صوف عشان البرد ، اشوحلك حتتين كبدة بليل ؟ لكن ايه الحب ده ؟”.
وأثني عمرو أديب علي الفيديو خلال برنامجه ” الحكاية ” المذاع علي قناة ” mbc قائلا :” شوفت الهضبة قالك دينا حبيبتي اللي عملت لها أغنية ، هو طبعا لأنه مطرب ومغني عنده مشاعر ، احنا عندنا مواطن بيقوم الصبح ويخبطه ميكروباص.”.
وكان الفنان عمرو دياب الأسبوع الماضي في إحدي الحفلات بجامعة خاصة قدم دينا الشربيني للجمهور ودعاها من الكواليس أمام الجمهور وغني لها أغنية ” برج الحوت” موضحا انها بالرغم من كونها فنانة متميزة إلا أنها تشعر بالخجل لوجودها علي خشبة المسرح، فيما تداول رواد مواقع التواصل الاجتماعي الفيديو في احتفاء بتصرف عمرو دياب.
