قال الرئيس عبدالفتاح السيسي، إن بناء الأوطان “ليس الأكل والشرب”، وأن هناك العديد من الموضوعات في مصر “غير المحلولة”.
وأضاف السيسي: “فى موضوعات موجودة فى مصر مش متظبطة من زمان لظروف مصر، وزارة البترول كانت بتستلف عشان تجيب البترول لتشغيل محطات الكهرباء، فى حاجة بتتعمل ببلاش؟.
وتابع: “فى دول كتير أوى معندهاش خمس الطاقة الكهربائية اللي كانت موجودة عندنا فى 2013، مافيش حاجة ببلاش، أرجو إنها تكون حاضرة لكل اللى بيسمعونى، وزراء ونواب ومسئولين”.
وتابع خلال كلمته في افتتاح محطة كهرباء بالعاصمة الإدارية الجديدة: “قيادة الدولة فيها 100 مليون، دا موضوع مش بيتحل بالأكل والشرب، قسما بالله لو كان الموضوع وجبة واحدة فى اليوم لبناء أمة أقسم بالله لأقعد بقية عمرى كله أكل وجبة واحدة”.
يذكر أن السيسي في نفس الخطاب، دعا المفكرين والمثقفين والإعلاميين إلى التصدي إلى الموضوعات التي يلمون بجوانبها فقط.
وقال: «اتكلم في موضع أنت عارفه وفاهمه، دولة بتشتغل بقالها 4 سنين بخطة غير مسبوقة، اللي اتحقق في الكهرباء والطاقة في مصر خيال»، وخاطب المصريين قائلًا: «أرجوا تكونوا سعداء بده، ومحدش يقدر ابدًا يحبطنا، كل المطلوب اصبروا وسترون، العجب العجاب في مصر».
وأضاف: «مفيش نص ونص في أي مشروع، هعمل إصلاح اقتصادي 100% وعلى أعلى مستوى، عشان البلد دي تقوم ومحدش يقدر يوقعها».
وتابع: “لكم أن تفخروا يا مصريين بأنفسكم، لازم تكونوا سعداء، لما بأكد على وزير الكهرباء يخلص شبكات النقل في 2019 عشان كل ما تكون الشبكة فيها الأطوال اللازمة والجودة اللازمة هتكون كفاءة الأداء أعلى ولا تقل في أي جزء من مصر على الآخر”.
وافتتح الرئيس عبدالفتاح السيسي، اليوم، أكبر 3 محطات لتوليد الكهرباء في الشرق الأوسط وشمال إفريقيا، وهي محطات “بني سويف والبرلس والعاصمة الإدارية”، عبر خاصية “فيديو كونفراس”، بقدرة 9 آلاف و600 ميجاوات، بواقع 4800 ميجاوات للمحطة الواحدة، ونفّذتها شركة “سيمنز” الألمانية، بقدرة إنتاجية 14.4 ألف ميجاوات، وبتكلفة 6 مليارات يورو.
