قال الرئيس عبد الفتاح السيسي، إن أحد أهم ثبات الدولة واستقرارها بعد 3 يوليو هو وقوف الأشقاء من المنطقة العربية بجوارنا، معلقا: “أوعوا تفتكروا لو 3 يوليو جه والأشقاء موقفوش جنبنا كنا هننجح، أنا بقلكم كلام حقيقي وزير البترول موجود ورئيس الوزراء شريف إسماعيل موجود ويقلكم”.
وأضاف الرئيس خلال جلسة اسأل الرئيس بالمؤتمر السادس للشباب بجامعة القاهرة، أن الأشقاء في الدول العربية ظلوا يدفعوا لمصر 800 مليون دولار شهريًا لمدة 20 شهرًا وقود ومحطات كهرباء، ووقود يحتاجه الشعب، متابعا : ” الدولة مكنش معاها فلوس تجيب بـ 800 مليون دولار وقود علشان الناس ومحطات الكهرباء”.
مكنش فيه المبلغ دا يعني 10 مليار دولار في السنة يعني في 20 شهر 16 مليار دولار يا ترى لو مكنش وقفوا كنا هنعمل ايه، كنا مستعدين نمشي ومستعدين نتحمل إدارة الدولة بدون موارد، فهل مطلوب يستمروا كده ، لا طبعا وجب علينا نتحمل الدولة ونشيلها ونتحمل لجل خاطرها ودا السنتين الأولانيين
واستطرد: “لولا وقوف الأشقاء جنبنا كنا مستعدين نمشي، إحنا تخلصنا وكنا مستعدين نتحمل ولكن إدارة الدولة كانت بدون موارد يا مصريين، والناس وقفوا جمبكم يا مصريين”.
وأكد السيسي إن مصر عام 2020 ستكون في موضع تاني وتحديدا في 30 يونيو 2020، علشان دولة الرئيس .
وواصل : “حد يقولي زودت غاز المنازل ليه هقلكم ليه .. المواطن اللي مبتوصلش ليه خطوط أنابيب بنكتفي بمد الغاز لطبقات تخطيطها العمراني يسمح بذلك، وخد الفلوس دي ومد الغاز لمن لم يصل لهم .. عدالة اجتماعية دي ولا مش عدالة”.
ولفت الرئيس إلى أنه خلال نهاية العام سيكون لدى مصر اكتفاء ذاتي من الغاز، وفي أبريل أو مايو سيكون لدى مصر فائض من الغاز.
وانطلقت ثاني جلسات مؤتمر الشباب بجامعة القاهرة، اليوم الأحد، في دورته السادسة بحضور الرئيس عبد الفتاح السيسي.
