قال الرئيس عبد الفتاح السيسي، يجب على العاملين بالمجمعات الصناعية الجديدة الخاصة بالأسمنت والرخام، بترتيب أوضاعهم بأنفسهم لتطوير الصناعة.
وتابع «السيسي»، خلال كلمته أثناء افتتاح عدد من المشروعات القومية ببني سويف، صباح اليوم الأربعاء، عارفين ليه الأمور مبننجحش مثلا “متوسط المرتبات في الشركة القومية للأسمنت، اللي كانت بتخسر، وتم اتخاذ قرار بإغلاقها، كان يتراوح من 12 إلى 14 ألف جنيه شهريًا، عشان كده في المصانع الجديدة الناس هتسكن على حساب نفسها”.
وأوضح «أنا مش هجيب حد من بيته، ولا هوفر لحد سكن، اللي عايز يشتغل أهلًا وسهلًا، وهنديله راتب كويس، لكن عايز تسكن؟، على حساب حضرتك مش على حساب المصنع، السكن على حساب العامل والمواصلات كمان».
واستطرد: «كلامي قد يبدو قاسي بعض الشيء، لكن المصانع دي اتعملت عشان كلنا ناكل منها عيش، الدولة والعامل، مش عشان يتقفل كمان 3 سنين، وعشان المصانع دي تشتغل لازم كل عامل يعرف كويس هيجيب منين، وهيصرف إزاي”.
