عرض المذيع أحمد موسى، فيديو يظهر فيه اعتقال سائح عربي مع زوجته بعد نقاش حاد بسبب شرائه كميات كبيرة من المياه من أحد المحال التجارية بمانشستر في بريطانيا.
وقال موسى: “هي دي بريطانيا المنادية بالديمقراطية، وبتشوف تعذيب واعتقال وعنصرية في أبهى صورها، لمجرد أنه مواطن عربي، والناس كانت واقفة بتتفرج على المهزلة دي ومستغربة”.
وقال موسي خلال تعليقه علي الفيديو في برنامج “علي مسوؤليتي” المذاع علي قناة “صدى البلد”: “بصوا حقوق الإنسان في بريطانيا؟ بصوا عاملين أيه فيه وفي مراته؟ تخيل في بريطانيا حتي المية مش عايزين يدهالوا، بريطانيا العظمي وحقوق الإنسان، مهو هايدفع، هو سارقهم؟ هايحاسب، بيشتري ميه مش متفجرات”.
وروي موسي الحوار القائم بين البائعة بالمتجر وبين السائح العربي: ” سألته ليه بتاخد المية دي كلها، قالها عادي أنا بشتري كميات مماثلة من أماكن أخري، فقالت له ده مش عدل، وفوجئ وهو يحاسب أن الشرطة جايه له، مواطن عربي بيشتري مية مش حاجة حرام، اعتي الديمقراطيات في العالم اللي مصدعين الدنيا بالديمقراطية، مواطن عربي محرمين عليه شرب المية هنا العنصرية الحقيقية لبريطانيا”.
وأظهر الفيديو احتدام النقاش بينهما حتي الاعتداء عليه بالضرب وهنا علق موسي قائلا: “بصوا عملوا ايه في الراجل ومراته؟ علشان المية”.
