مستعدين تقبلوا في السينما والمسرح سلوكيات لا تليق وتقولوا حرية إبداع؟
عن تجديد الخطاب الديني: هو فيه ضياع للدنيا أكتر من اللي إحنا فيه .. ولما قولت توثيق الطلاق هاجموني
لما باحاول أخرجكم من العوز يعملوا هاشتاج إرحل يا سيسي.. في دي أزعل؟
الإصلاح لا ينتهي خلال سنتين ولا تلاتة ولا خمسة.. اللي اتعمل سواء رضيتوا به أو مارضتوش هقابل به ربنا
قال الرئيس عبد الفتاح السيسي إن صياغة الإنسان رسالة تصدى لها الله والرسل، وبناء الإنسان رسالة الرسالات وتحد كبير لنا.
وأضاف خلال مشاركته في مؤتمر الشباب بجامعة القاهرة: “انتو عايزين تعليم حقيقي ولا ولادكم يكون معاهم شهادات، لو عايزين تعليم حقيقي دي رحلة طويلة، عايزين تطوروا بلدكم طب مستعدين تدفعوا التمن”.
وتابع السيسي: “انتو خايفين نضيع الدين، اللي إحنا فيه فيه أكتر منه ضياع للدين، انتو خايفين من إصلاح الخطاب ليضيع الدين”.
وقال السيسي: “أنا قولت الكلام ده كتير، انتو مستعدين تقبلوا في السينما والمسرح والتليفزيون سلوكيات لا تليق وبعدين تقولوا حرية إبداع”.
وأضاف: “هوجمت لما قلت عايزين توثيق للطلاق، أنا مازعلتش، عملية بناء اللإنسان المصري عملية مجتمعية وليست حكومية، إحنا مش معانا عصاية سحرية لبناء الإنسان،
وتابع “عملونا أمة ذات عوز، وفقر ولما أحاول أخرجكم من العوز اللي احنا فيه ، يعملوا هاشتاج ارحل يا سيسي، عايزني ازعل ولا مازعلش؟، لا في دي ازعل لاني عايز اخجرجكم من العوز اللي أنتم فيه” وتابع ” لازم نخرج من العوز اللي إحنا فيه، العوز الأخلاقي والاقتصادي والاجتماعي”.
وكانت صفحات مواقع التواصل الاجتماعي، قد شهدت خلال الفترة السابقة، انتشار هاشتاج “ارحل يا سيسي”، وأصبح الأول على مواقع التواصل الاجتماعي، بعد قرارات غلاء الأسعار وتدهور الأوضاع الاقتصادية والسياسية والاجتماعية.
وأضاف السيسي، في موضع آخر من كلمته: “عملية الإصلاح عملية مستمرة لا تنتهي خلال سنتين ولا تلاتة ولا خمسة، اللي اتعمل سواء رضيتوا به أو مارضتوش، أنا هقابل به ربنا”.
وبدأت صباح اليوم، فعاليات المؤتمر الوطني السادس للشباب، المقام في جامعة القاهرة، اليوم السبت، بحضور الرئيس عبدالفتاح السيسي.
وأقيم المؤتمر الوطني للشباب، خلال فعالياته الخمس الماضية، في شرم الشيخ والإسماعيلية وأسوان والإسكندرية. ويحضر في المؤتمر عدد من الصحفيين والإعلاميين والشخصيات العامة والسياسية.
