هاجم الفنان هادي الجيار خلال مداخلة هاتفية له مع الإعلامي محمد الباز أمس الإعلامي توفيق عكاشة مقدم برنامج ” مصر اليوم ” علي قناة ” الحياة، بسبب سخريته من أجور الفنانين ” السوبر ستارز” والتي قارنها بأجور عمال المحارة.
وسأل الجيار خلال مداخلته في برنامج ” 90 دقيقة ” المذاع علي قناة المحور توفيق عكاشة :” أنت عايز تكره الناس في الفنانين وتحقد عليهم، انت عقدك بكام ؟ وماتقولش انك بتشتغل لله في لله أو عاملها جدعنة، اجرك كام في الموسم؟ بدل ماتقارن أجر الفنان بالعامل البسيط قارنه بأجر حضرتك، بردوا بتاخد ملايين”. متابعا”انت بتيجي الاستوديو ساعتين لمدة 3 أيام في الأسبوع والمعدين محضرين شغلك والايربيس في ودنك بكام مليون؟”.
وقال الجيار:”أنا تابعت عودته وبسم الله ماشاء الله حاطط سبورة، وبيشرح للناس كل حاجة سياسة واقتصاد وحروب الجيل الخامس وفجأة معرفش حشر الممثلين ليه ؟ بدون مناسبة قالك نجومنا بياخدوا ملايين وقعد يحسبها هو والكنترول لغاية ماوصلوا لأجرهم في اليوم الواحد وعمل مقارنة عجيبة بينهم وبين عمال البناء”. وتابع الجيار :” احنا في أمس الحاجة للنجوم السوبر ستارز في أعمال توجه رسالة بعينها، ولهم معجبين ويتم استقبالهم بشكل عظيم في الخارج، كما ان المنتج لن يدفع مبالغ الا إذا كان كسبان”
