زهرة: كانت رأسنا مرفوعة بعد ثورة عظيمة لكن كله راح.. ومكناش نتمنى نوصل لكده
قالت زهرة سعيد شقيقة الشهيد خالد سعيد إن أسرتها قررت عدم العودة إلى مصر مرة أخرى.
وأضافت في تدوينة على حسابها على موقع التواصل الاجتماعي الفيس بوك، كانت رأسنا مرفوعة بعد ثورة عظيمة وبدأنا نشعر بنسيم الحرية لكن خلاص كله راح، اضطرينا نسافر ونسيب البلد لأسباب كثيرة منها مرض إصابة والدتها بورم سرطاني وضعف في القلب.
وقالت “مكنتش اتخيل ان يجى اليوم اللى اكتب فيه بوست زى ده بعد ثورة عظيمة وبعد ماكان خالد شرارة الثورة وكان راسنا مرفوعة دايما وبدأنا نحس بنسيم الحرية للأسف كل ده خلاص راح واحنا كلنا اضطرينا نسافر ونسيب البلد لاكتر من سبب طبعا خالد لغاية دلوقتى أغلبكم عارف انه مطلعلوش شهادة وفاة بالإضافة الإهانة اللى الواحد بيسمعها كل شويه وماما تعبت جدا وظهر عندها ورم ودكتور ربنا ينتقم منه عملها عمليه غلط وخلت حالتها تسوء جدا وتشخيص غلط من اكتر من دكتور وعلاج للاسف كان السبب فى ضعف القلب لدرجه انه دلوقتى شغال ١٥٪ بس وممكن يقف اى لحظة بسبب إهمال المنظومة كلها ده غير ان طلع عندها كانسر ومرحلة متأخرة بسبب الإهمال حالة ماما ادهورت جدا ومفيش اى مساعدة ومفيش اى تعامل أدمى من اى نوع واحنا قرننا خلاص اننا منرجعش مصر تانى”
ده غير عدم الأمان اللى كنا حاسين بيه في مصر اكتر من اى وقت فات وربنا لوحده هو اللى عارف اننا عمرنا مكنا نتمنى اننا نوصل لكده وللاسف احنا دفعنا تمن كل حاجه ومش حاذكر اى اسم بالرغم من وجود ناس حاولت انها تأذينا اكتر من مرة اعذروني لو كنت طولت عليكم بس كان لازم اتكلم لأنى سكت كتير وخلاص الواحد فاض بيه ..#خالد_سعيد”
