علق مرتضي منصور رئيس نادي الزمالك علي مشكلة وقفه من الاتحاد الأفريقي “الكاف”، قائلا: “النادي الأهلي نادي كبير وعريق واللي مش شايف كدة يبقي أعمي، وعشان كدة دايما بنفرق بين بعض الولاد المجرمين اللي بيشوهوا النادي الأهلي زي الألتراس وبين جماهير النادي الأهلي العظيمة اللي بالملايين”.
وروي مرتضي ما حدث خلال مداخلة هاتفية له مع الإعلامي سيد علي، المذاع علي قناة الحدث اليوم: “اللي حصل اني فيه ماتش بين الأهلي وهوريا في بطولة أفريقيا اللي بينظمها الاتحاد الأفريقي، لم اكن طرف فيها ولا السعودية ولا بيراميدز طرف فيها وكلنا بنشجع النادي المصري أيا كان، المدرج فيه 10 الاف مشجع ومرة واحدة سباب للسعودية وتركي آل شيخ وللزمالك ولمذيعيين من غير مناسبة، اللي اشعل الموقف أن الخطيب طلع بيان أشاد فيه بتشجيع جماهير الأهلي طبعا حاجة مستفزة”.
وأضاف مرتضي: “أي حد ماعندوش إحساس هايزعل، وهل ينفع وصف الزمالك بامرأة داعرة وهتافات ضده؟”.
واتهم مرتضي منصور خلال مداخلته كلا من مديري النادي الأهلي بمدينة نصر والجزيرة انهم قاموا بالاتفاق مع جماهير الألتراس من أجل تلك الهتافات قائلا: “اعرف أن مدير النادي الاهلي في مدينة نصر ومدير النادي في الجزيرة راحوا اتفقوا مع الولاد دول في قهوة ورا مطعم البرنس في إمبابة، الكلام ده علي مسئوليتي والأمن عارف الكلام ده”.
وبرر منصور مهاجمته للاتحاد الأفريقي بأنه مسؤل عن اللعبة، قائلا: “فيه شخص اسمه عمرو اللي أسس الألتراس وحرق قبل كدة مشجع، هو سكرتير الاتحاد الأفريقي”.
