د. علاء عوض يكشف وجود متعافين من “فيروس سي” ضمن حملة الصحة: ليه ماحدش حاول يفهمهم إنهم مش مرضى

أد الدنيا رئيسية

تحدث الدكتور علاء عوض أستاذ أمراض الجهاز الهضمي والكبد، عن طرق علاج المصابين بفيروس سي، وكشف عن وجود متعافين من الفيرس ضمن المستهدفين من قبل حملة وزارة الصحة.

وكانت الوزارة أطلقت منذ أيام ما وصفته بأكبر حملة للقضاء على فيروس سي، والأمراض السارية على مستوى الجمهورية.

وقال عوض في حسابه على “فيسبوك”: “النهارده فى العيادة شفت حوالي 4 حالات من محافظة الفيوم، كلهم كانوا مرضى فيروس سى وتلقوا العلاج وتم شفاءهم … النهارده جايين مذعورين وبيقولوا الفيروس رجع لنا تانى”.

وأضاف: “الحكاية أنهم راحوا يعملوا تحليل الأجسام المضادة للفيروس فى المسح الصحى اللى بيتعمل دلوقتى، وطبعا طلع تشخيصهم إيجابى، لأن الأجسام المضادة بتفضل موجودة فى دم المصاب مدى الحياة، حتى بعد تمام الشفاء وهى لا تعنى ابدا أنه مريض، ولكنها فقط تعنى أنه تعرض للإصابة يوما ما فى حياته”.

وتابع عوض: “عندى سؤالين مهمين، الأول إزاى يكون المرضى اللى تم علاجهم من هذا المرض وشفيوا تماما، موجودين داخل الجمهور المستهدف بالمسح، طبيعى أن كل هؤلاء حيكونوا إيجابيين فى اختبار الأجسام المضادة، لكنهم أيضا ليسوا مرضى، يبقى إيه لزوم إهدار الجهد والمال فى إعادة فحصهم (عدد هؤلاء المرضى فى مصر حوالى 2 مليون نسمة)، السؤال التانى، ليه ماحدش حاول يفهم الناس دى انهم مش مرضى، بدل ما يدخلوا فى حالة ذعر من فكرة رجوع المرض مرة أخرى، وليه استمارة المبحوث مايبقاش فيها سؤال اذا كان تلقى العلاج من قبل، فيتم استبعاده، أم لا … مش لاقى اى إجابة علمية للأسئلة دى إطلاقا”.

من جهتها حاول “كاتب” الاتصال بالدكتور خالد مجاهد، المتحدث باسم وزارة الصحة للتعليق، لكنه لم يرد على هاتفه.

Leave a Reply