مذيع “على مسئوليتي”: خالد تليمة ماكنش وراه غير شتيمة الجيش.. والناس دي قعدت في بيتها دلوقت لأن الشعب كرههم وعرفهم على حقيقتهم
هاجم المذيع أحمد موسى، مقدم برنامج “على مسئوليتي” على قناة “صدى البلد”، الإعلاميين يسري فودة وريم ماجد وخالد تليمة، واتهمهم بالعمل ضد مصر وإهانة القوات المسلحة خلال فترة عملهم.
وقال موسى، إن بعض المنصات الإعلامية لعبت دورا مخربا منذ 2011 حتى 2013. وقال: “أنا مسئول عن الكلمة دى، الإعلام كان له دورا مخربا في تدمير الدولة ومؤساستها وأن 90% من تلك الوجوه الإعلامية قاعدين في البيت دلوقتي علشان الناس كرهتهم لأنهم خدعوا الشعب، وكان ممكن مصيرنا يكون زي العراق وسوريا”.
وأضاف موسى: “الإعلاميين بيكسبوا علي حساب الشعب وتدمير البلد بالكامل، كلهم شاركوا في هذه الجرائم.. والواحد مستغرب لعدم قول كلمة حق، وأنا طلعت وقت الإخوان وماعملناش زيهم وكان عندنا موقف لم نغيره، إحنا عندنا رسالة، عندنا بلد”.
وهاجم موسى الإعلاميين قائلا: “واحد اسمه خالد تليمة كان بيطلع ماورهوش حاجة إلا الشتيمة في القوات المسلحة، وبنت كدة اسمها ريم، مين دول ومين غيرهم، كانوا بيفبركوا حاجات، من الصبح وحتي تاني يوم، ويسري فودة ماورهومش إلا هد البلد، النهاردة احنا عندنا الأمم المتحدة بتشهد لنا”.
